Wie die Hitt noch da war, do isses uns allegar viel besser gang. Das kann käner aanzweifele!!!!!!
Wer brauchtn schonn es "Bliesgarde-Innkaafszentrum" ? Ich net.
Spädeschdens no zee Minute do drinn erumm laafe platzt ennem de Schädel - mit dem ganze Parfimmgeschdank. Jeder benutzt was anneres un irgendwann kritt ma e Nasekollaps von dem ganze Zeich! Ganz se schweige von der saubleed Rumstubserei do drinn. Unn, als Neinkerjer kann ma aach noch fa jeder Besuch do drinn bleche!! Unn nett zu wenich!!!!! Nä, gehn ihr mol allän in eier Center - mir brauche denne Stink- un Stosstempel net!
E kinnerfreindlichi Stadt? Warum hanner dann in Wiwwelskerje denne Schbielplatz so verhunzt? Vor korzem hann dort noch Bääm gestann - un jetze? Guggen´s eich mol an. Also, mei Kinner würde dort nemmee spiele........... Iss jo grauenhaft.
Vor Joare schonn hanner in Wiwwelskerje hinner de Sparkass denne Schbielplatz änfach so e weggemach. Warum´n das? Gebbds do kenn Kinner? Anscheinend net.
Die Stadt zum Läwe? Eher zum Krumbucklichlaafe! Was issen mit de Busverbindung in Wiwwelskerje? Wenn ma von de Käthe-Kollwitz-Stroass zum Annaschacht fahre will, dann macht ma jo e halwi Weltreis! Unn sowwieso - Omends brauch ma eh nemmee drauss se sinn, well dann faschd kenn Busse me fahre. "Das Wandern ist des Müller´s Lust" - odder wie? Es heisse awwer net allegar Müller die wo do wohne!
Was jo es Geilschde iwwerhaupt is: Wenn ma bei de Dokter muss, dann kann ma ach noch bleche. Net nur die zeh Euro - nää, aach noch die Parkgebühre an dem blaue Tempel do! Darf ma in de "Stadt zum Lääwe" nemmeh krank genn?????? Doch, nur dann hat ma doppelt die Arschkart gezoo.
Nää, die Stadt zum Lääwe iss das do net. Iss eher e Kaff, wo ma ums Iwwerlääwe kämpfe dut.
Warum gebbds dann immer noch känn Busse von Wellesweller uff die Blandasch? Bis ma do laufend umgestieh iss, ei do iss ma jo schneller hinngelaaf.........
Wie siehn dann iwwerhaapt die ganze Stroße do aus? Wollen na de greschde Golfplatz der Welt werre???? Ich glaabs ball.........
Iwwer die orongsche Männjer, die ma ab und zu mol do sieht, wolle ma jo gar net ersch schwätze. Ich wääs jo net, obs in Holland noch nie geschneet hat, awwer ich wääs, dass in Wiwwelskerje die Berje bei Schnee und Glatteis so gudd wie net angefahr, gestreit und gereimt werre - wahrscheinlich desentweje, well´s äwe glatt is.
Wenn eier Stadt so doll is, dann duun doch Kurtaxe kassiere! Allerdings wäre ma dann nommo so zimmlich am Anfang von dem Blog do, dann misste na nämmlich ach emol unser Wälder und die ganze Freifläsche do sauwer halle. Net woar?????!
Ich würd´s jo net "Die Stadt zum Lääwe" nenne, sondern eher "Statt zum Lääwe".
Kommt immer druff aan, von weller Seit aus ma das betrachte dut - wie das Foto do:
 |
| so geht´s jo noch |
 |
| awwer von der do Seit... |
 |
| ich wäs jo net, warum der die Feierwehrläder uffm Kopp hat ?!?!? |
Keine Kommentare:
Kommentar veröffentlichen